قصة الملك وبناته الثلاث

بسم الله الرحمن الرحيــم

قصة الملك وبناته الثلاث


الملك و بناته الثلاث


كان يا ما كان في قديم الزمان، ملك عنده ثلاث بنات.
حب في يوم من الأيام انه يختبر حبهم اله, جاب الكبيرة و قالها : يابا يا حبيبتي قديش بتحبي أبوك الملك

البنت من غير تفكير: بحبك قد ما السمك بحب البحر.

الملك فكر و قال في باله : ايهو السمك بقدر يعيش بدون بحر , هاي البنت بتحبني كتير , و قال الها : انا كنت عارف انك بتحبيني بس مش لهدرجة , و قام أعطاها قصر كبير و مجوهرات

جاب البنت التانية و سألها نفس السؤال . فقالتله : بحبك قد ما الطير بحب السما , انبسط الزلمة و كيف, و اعطاها قصر جنب اختها و مجوهرات

بعدين جاب البنت الصغيرة ( أخر العنقود اللي بموت فيها ) و سألها نفس السؤال . قامت جاوبته : بحبك قد ما الدقة ( يعني زعتر ) بتحب الشطة

الزلمة زعل و عصب و قام لفحها كف, و مسكها من شعرها و زتها برة القصر, و ما رضي يسمع منها و لا نص كلمة, البنت دارت بالحواري و على أرصفة الطرقات و تسمع كلمة من هاد و كلمتين من هداك . لغاية ماجاها مزارع مسكين حبها و حبته و راحوا تزوجوا و سكنوا بالكوخ تبعه اللي بنص الغابة .

و دارت الأيام و مرت الأيام. و في يوم من الأيام كان الملك قاعد بتصيد بالغابة و نسي حاله و سرح و ضاع بالغابة.
دور على المرافقين .... و لا هم هون
طب الحرس .... فص ملح و ذاب .؟؟؟؟؟؟؟؟
ضل الملك يمشي و يمشي لغاية ما لقي هالكوخ لصغير .
قال بفوت برتاح و باكلي لقمة
دق على الباب فتحلوا صاحب البيت و هو مش عارفه .... دخلوا جوا و هو شايفه تعبان .... و صار يحكي مع الزلمة...

مرته مش خافي عليها الصوت ........ قام الزلمة بيقول للمرة اذبحيلنا جاجتين خلينا نتعشى و نعشي الضيف
المرة مين طبعا ؟؟؟؟؟؟؟؟؟ و اضحة بنت الملك المقصوفة الصغيرة

بدت تشتغل بالجاجات و خطر على بالها فكرة .
نادت جوزها و قالتله خود شوية الدقة ( يعني زعتر ) هاي مع صحن زيت سلكو فيهم على بين ما يخلص الاكل شكله الزلمة ميت جوع .
و الله الزلمة عجبته الفكرة و قام حط الزيت و الدقة قدام الملك و قاله : أتفضل يا عمي على بين ما يجهز الاكل .
الملك ميت جوع و هو بحب الدقة ( كمان يعني زعتر ) كتير .
ما بلع أول لقمة و لا صار بده يستفرغ .
و صاح بالزلمة : و لك شو هاد دقة من غير شطة ؟؟؟ كيف بتاكلوها هاي ؟؟؟؟ خخخخخخخ (هاي ضحكه صفرا) ؟؟؟؟؟

و فجأة أتذكر بنته الصغيرة و صار يعيط زي الهبايل .
قاله الزلمة :. شو مالك يا زلمة ,انت العاقل .
كل هاد مشان شوية دقة ( زعتر يا جماعة ) هسة الجاج بخلص .
قلعطتني ( هاي ما بدها شرح ) .
شو...... راح الملك حكى للزلمة القصة .
و هو خلص من هون نطت البنت و قالت : بخ كيفك بابا ؟ عرفت اديش بحبك يا فالح . ؟؟؟؟؟؟؟

و هيك عرف الملك قديش بتحبه بنته . و جابتله دقة بشطة . طبعا ما أكل منها و لا لقمة لأنه نزل بالجاج جرد
و أعطاها قصرين و مجوهرات و سوبر ماركت و كروز دخان و شغل جوزها ضريب مواس عنده

و توته توته خلصت الحتوته



ها وش رايكم

تسلمي لاكن الدقة مهب زعتر هي شي يشبه شكل الزعتر لاكن طعمه غير

هههه القصة مررررة رائعة وتسلم ايدك